清真牛肉館 (打鼓嶺道)

營業中

休息中

又去左勁多野食既九龍城區啦, 今次同上次一樣嚟到都冇食到泰國菜, 食咗清真牛肉館, 好耐之前食過 個牛肉餅, 今次就乖乖地坐定定係入面食。 入到去發現其實啲餸菜有啲似上海菜, 不過就冇豬。叫咗個水煮牛肉麵, 雖然叫做水煮但係唔係好辣, 不過啲麵就林身咗啲一個就叫咗咖哩羊腩飯, 呢個就出色嘅羊腩夠淋咖哩味濃, 食曬成碗汁。一個酸辣湯,不過我飲咗兩啖冇飲呀,因為我唔鍾意食酸野既, 但係朋友仔就話好好食 ,我啲酸味唔會確喉呢個就係我最鍾意食嘅牛肉餅, 咁多年冇食都仍然係咁高水準, 鮮嫩多汁, 食嘅時候一定要小心啲會爆汁整體嚟講都好食只係個面就林身咗啲, 兩個人埋單二百幾蚊