Mee...lemongrass (已結業)

尋日同friend係銅鑼灣行街，係皇室堡掃完衫之後又到食dinner時間，行左咁耐有d攰，就想近近地係皇室堡食埋，上Openrice見到地下有間馬來餐廳食評都唔錯，即管去試下！一坐低睇Menu，發覺價錢都ok抵喎以銅鑼灣物價黎計，仲要係商場餐廳～我地兩個人點左兩個正餐，兩款小食加一杯飲品。正餐有無骨海南雞喇沙，馬來蜜汁炭燒厚切豬扒配菜飯；小食有香葉蝦仁米紙卷同油鬆餅；飲品係泰國豆奶紅豆冰。喇沙味道都算香濃，而且份量好足，而海南雞另上，好似多左個餸送麵，真係勁抵食！而且海南雞肉質都好滑嫩，唔錯食！之於個蜜汁豬扒都唔差，大大件又美味～不過菜飯好似唔夠熱，飯我都係鐘意食熱騰騰的～兩款小食亦可口，米紙卷一啖一個，配料清新爽口；然後超喜歡油鬆餅的口感，鬆軟又有咬口，而且一份已經好多，比一碗飯更飽肚，建議大家配咖哩食會更夾哦～而成餐飯其實我最like個紅豆冰！大大杯兩個人飲剛剛好！豆奶味超濃郁，紅豆又甜又多，飲完一個大滿足！！性價比超高的一間餐廳，以後一定會成日來食～