茶涮涮 (已結業)

今日去咗銅鑼灣shopping，行到差不多晚飯時間，於是在百德新街盡頭見咗呢間日本火鍋店，剛巧今天天氣突然轉冷，凍凍哋，於是走入去食個火鍋暖暖身。可能晚飯時間尚早，餐廳內只有一枱客，而且餐廳面積唔大，只有10張枱的。餐廳裝修實而不華，很有日本小店的感覺。今日點了個最貴嘅火鍋套餐，貪佢有日本雪室熟成和牛🥩，而且重有澳洲一級肉眼🥩，可以互相輝映。海鮮方面包括有鮮活飽魚、松葉蟹捧、虎蝦🦐、時令海魚🐠和帆立貝，全部都是我的至愛。呢個套餐還有野菜盤和稻庭烏冬，而前菜則有野菜沙律和刺身五點。呢間餐廳嘅火鍋湯底都很特別，我選了一個從未試過嘅瀨戶內海檸檬塩麴湯底，而且亦是店員極力推介，她說只有這家餐廳才有這款湯底，我當然不會錯過喇。日本雪室熟成和牛 👉🏼 入口軟嫩得很，油脂於舌上融化，簡直是人間極品。澳洲一級肉眼 👉🏼 勝在脂肪平均又夠肉汁，不過當然跟日本雪室熟成和牛比下去。至於海鮮方便，食落又唔覺得很特別，而且發覺蝦和帶子都是急凍的，不是新鮮的，所以當堂打了折扣。 因為喜歡食蝦和帶子的我，一入口便知道是否新鮮的，新鮮蝦和帶子會是彈牙的，而冷藏的就不會有這種口感。我衷心希望這店在海鮮入貨方面有待改進。