香港永年車仔麵茶冰廳

營業中

休息中

早前係永年食過焗豬扒飯，味道唔錯留下左對永年既深刻印象。今日路過沙田又心思思想食永年。今次真真正正叫番碗車仔麵食下，同女朋友每人叫左一個套餐。佢點左永年大碗麵+腐乳通菜+綠茶紅豆冰，而我就揀左男神麵+生菜豬腸+南乳雞翼+凍柚子蜜，另外再加多左個麻辣豬耳絲。上菜效率快絕對係抵讚，啲麵同小食好快就上哂枱，見到成枱都係野食都覺得自己過份左小小，不過真係有啲餓。繼上次食左焗豬，今次就試番佢地既車仔麵，男神麵入面有既你牛為主，牛筋腩，牛丸，牛柏葉等，另外我再加左雞翼同炸魚皮，而辣汁就揀左小辣，味道好就不在話下，所有餸菜既味道好夾，特別要讚既係粒牛丸，好爽口彈牙，絕對唔係一般街市貨色。跟餐小食叫左碗豬大腸，味道一流配埋生菜。南乳雞翼上次食過，今次仍然keep住水準。而女朋友叫既大碗麵就係咩都有，勝在夠份量，每樣有啲，滿足貪心咩都想試既我地，跟餐有碟腐乳通菜，腐乳味十足。最後既小食係麻辣豬耳絲，佢個辣汁好濃而且杰身，夾起豬耳既時候啲汁會痴住係豬耳，所以食落口會覺得好惹味，絕對係今次既新發現。食左咁多野我地兩個飽住離開，好滿足！