都爹利會館

營業中

休息中

上司請食飯，有幸來到呢間米芝蓮二星餐廳食lunch，實在太開心 ！以為呢度要會員先來得，但原來唔洗！我地一同四個人，每人叫左個 executive lunch ($360)，連甜品一共有6道菜。第一味係點心拼盤，有三種點心，個蜜汁叉燒好好味！一d都唔韌。個餃都唔錯，而個春捲新鮮炸好，好脆，味道一流 跟著主菜方面有個餛飩羹，冬菇雞球，魚同荷葉飯，每一樣都賣相精緻，味道ok，不過就唔算好特別。甜品方面有個咖啡糕同炸煎堆，咖啡糕一般，但個炸煎堆就非常出色！一咬落去有d杏汁流出來，熱辣辣好好味 !整體來講都爹利會館環境舒適，食物質素唔錯，服務都幾好，不過價錢就貴左d，一個行政午餐連加一要$400一位，適合來呢個食business lunch，如果要我自己比錢的話就真係唔係好捨得！仲有呢度上菜速度唔快，如果得一個鐘lunch會好趕，建議都係搵日有多d時間先來呢度慢慢嘆個米芝蓮二星lunch!