BLT Burger (已結業)

行過N次這裡，總有條人龍，附近選擇實在多，真係無咩意欲排隊，是日無人龍，又好想食BRUGER，剛好。第一次黎，唔見有咩特別想食，我就要classic burger，兩個人，另一款就要雞包。classic burger，店員建議塊扒係medium，就medium吧。上枱賣相都幾唔錯，望落配料亦下得夠多，牛肉算係juicy，亦係厚厚，牛味都ok，餡料方面我滿意的，要挑剔就係個飽冇烘過，烘過的話會更好。chicken burger，用辣黎醃，偏向辣，塊雞肉只係食到辣味，係辣漢堡一個。classic可以轉combo，跟薯條或者薯角或者薯格加汽水，要個薯格，正正常常，剛炸起，味道可以想像得到，汽水，還是汽水吧。另要了個墨西哥片，要讚係芝士下得夠多，要彈係d肉好韌。早前係小酒窩吃到的，我喜歡果邊多一點，可能呢到d墨西哥片較為鹹一點。整體都可以叫ok，我覺得Shake 'em Buns又或者burger room都比這裡好一點，價位更平一點，當然位置不大同。