影片
更多
2017-08-27
711 瀏覽
因為公司都係呢頭，所以間唔使都會去Flint食 lunch，覺得都幾好，話哂酒店，唔會太差。見到今次restaurant week有呢間入選，當然要試下，餐單只需398加一，以酒店餐廳黎講，真係超值！落單時發生左少插曲，我當日係2個人去，因為想試下佢餐廳其他嘅dish，所以我一坐低就問左佢地嘅侍應，可唔可以一個人叫restaurant week個menu，一個人叫正常menu，其實我知道好大機會唔得，不過隨口問下，點知佢話OK無問題，可以mix and match叫，share食，仲攞埋個正常menu比我睇，咁我地就開始揀野食。我地叫左一個restaurant week menu，又叫左正常menu嘅幾個菜。點知落完單過左5分鐘左右，有個貌似高級少少嘅侍應走還黎，話我地唔可以咁叫（佢係有禮貌地講嘅），因為我地原先訂枱係through restaurant week website訂，佢地改唔到，而restaurant week會就每個訂位比返回佣餐廳，故一定要叫返restaurant week個menu。其實我覺得無問題嘅，我明有policy，不過我一坐低未落單嘅時候已經問左佢咁叫得唔
落單時發生左少插曲，我當日係2個人去，因為想試下佢餐廳其他嘅dish，所以我一坐低就問左佢地嘅侍應，可唔可以一個人叫restaurant week個menu，一個人叫正常menu，其實我知道好大機會唔得，不過隨口問下，點知佢話OK無問題，可以mix and match叫，share食，仲攞埋個正常menu比我睇，咁我地就開始揀野食。
我地叫左一個restaurant week menu，又叫左正常menu嘅幾個菜。點知落完單過左5分鐘左右，有個貌似高級少少嘅侍應走還黎，話我地唔可以咁叫（佢係有禮貌地講嘅），因為我地原先訂枱係through restaurant week website訂，佢地改唔到，而restaurant week會就每個訂位比返回佣餐廳，故一定要叫返restaurant week個menu。其實我覺得無問題嘅，我明有policy，不過我一坐低未落單嘅時候已經問左佢咁叫得唔得，佢地話得我先咁叫，如果係唔得，就應該我問嘅時候就答我唔得，唔好初頭話得，後尾話唔得。始終係酒店，我覺得佢地嘅侍應training係咪唔夠，唔太專業。咁我地就改返叫兩個restaurant week menu。
講返正題，頭盤我叫左tuna tartar 同個 salmon。
Tuna tartar係on side嘅，佢會推架餐車過黎係你面前整，會問你食唔食得辣，再幫你調味。
Tuna tartar嘅tuna腌得好入味，唔錯，不過我覺得on side整個個哥哥仔落麻油嘅時候重手左，麻油味略重，破壞左成個dish。
另一個頭盤係salmon，賣相唔錯，而且portion都幾大，有成四塊，個汁好惹味，我覺得salmon比 tuna tartar好。
到頭盤，我地叫左帶子同牛扒。
帶子煎得非常好，我可以用完美黎形容，而且大大粒，真係好好味！外面香口，入面剛剛熟，旁邊透明黃色嘅係lemon source，同個帶子好夾，呢個我差唔多會比滿分！
US RIBEYE都唔錯，煎得好香，入面帶粉紅色嘅肉體現到廚司嘅手勢，同我地要求嘅生熟度一致，而且牛味香濃👍🏻
到甜品，紅莓tart同抹茶蛋糕
甜品就正常，無乜特別，酒店自助餐嘅甜品水準咁上下，可能正常menu嘅話會好d！
整體：以restaurant week $398加一價食到呢個質素同環境，算係非常抵食，令到我有想試佢正常menu嘅衝動，如果係restaurant week黎講，我都會推薦大家試呢間！
張貼
