雲壽司 (德和大廈)

營業中

休息中

今日係中環考完試，可以放假啦，於是獎勵自己就嚟食雲壽司。餐廳嘅選擇十分之多睇到我眼花繚亂，最後我都係揀咗壽司拼盤。壽司拼盤有三文魚，辣味三文魚，油甘魚，甜蝦，真鯛，帆立貝，三文魚子， 池魚,吞拿魚腩同埋北寄貝，十分豐富。壽司拼盤裏面嘅十件壽司都非常之飽滿同新鮮，198黎講係超值。個人超鍾意吞拿魚腩，佢入口即溶，油香係你口腔爆發，食完齒頰留香同滿滿幸福感。另外值得一提就係辣味三文魚真係比想像中更加辣所以唔食得辣嘅朋友就要注意。整體嚟講呢間壽司相當唔錯性價比高，下次搵埋其他friend一齊嚟試下佢嘅omakase。