津門大飯店 (已結業)

今晚我們去咗西環嘅太平洋廣場行街見到有間新開食北京菜嘅「津門大飯店」試業中！我們問店員有冇晚飯食？店員好親切有禮咁話：「有呀！」之後我們就決定喺度食晚飯！店內嘅環境裝修相當古色古香！我們叫咗天津煎餅果子外層係一塊薄餅，入面包著炸得好香脆嘅油條「油炸鬼」，再夾埋秘製嘅醬汁一齊食，真係好惹味！九轉大腸聽店員話係用大腸反覆套9層造成，質感非常軟熟，口感相當豐富！醬爆兔丁今次係我們初次食到兔肉，肉質好鮮嫩多汁！涼拌豬肚係將爽滑豬肚切成幼絲，撈埋啲青瓜同生蒜片一齊食，感覺非常清新！馳名開水白菜店員話係國宴先可以食到呢道菜，食咗覺得都係值得一試，呢道菜係將啲白菜浸著鷄湯上碟，食落感覺好清甜爽脆，再加埋灑喺面嘅火腿碎粒，令到味道更加甘香！宮廷八寶茶入面嘅八寶有：菊花 杞子 紅棗片 雪梨乾片 甘草 花旗參 茉莉花 冰糖，味道超清甜芳香！平日通常都係飲開普洱或鐵觀音，但今次飲到呢個宮廷八寶茶，感覺真係好新鮮！