合十 (已結業)

星期六當然要搵一間舒服的餐廳relax吓，朋友推介一間觀塘工廈的西餐廳。平時去呢座工廈買野就多，食嘢就第一次，入到去別有洞天，有室內之餘，仲有室外，好寬敞好開揚，裝飾佈置好有心思。叫了2份set lunch加特飲再加個甜品。All day breakfast賣相好靚，色彩豐富，牛角包外脆內軟 ，仲炒蛋，茄汁豆，沙律菜，煙肉同香草腸，豐富好味。迷你巨型豬扒包人氣之選， 超巨型豬扒放在中間，加上迷你漢堡形成強烈對比 。塊豬扒好嫩滑，厚身而且肥瘦適中，肉質嫩滑，漢堡包加上醬汁、蕃茄、洋蔥、 菜 一起吃好豐富。 仲有薯條伴碟，新鮮即炸，誠意十足。玫瑰伯爵茶奶蓋瀑布蛋糕聽店員講呢個雪糕係由高級酒店提供，賣相相當吸引， 玫瑰伯爵茶奶蓋呈現淺粉紅瀑布鋪在軟綿綿的蛋糕上， 旁邊的伯爵茶蛋糕好香濃 正好中和了蛋糕的甜味。呢度D特色飲品的名稱好搞笑， 我叫左杯戀愛預告， 有蝶豆花、玫瑰紅茶，顏色漂亮迷人。