雪ノ下 (已結業)

呢間甜品店一直都有喺朋友口中聽講話好好食，今次終於可以嚟試一試。餐廳唔算好大，有bar枱亦有普通位。客人直接去去收銀處落單便可以，之後就可以安坐係自己位等店員送上甜品。我同朋友嗌咗一個刨冰、一份pancake同埋一杯咖啡。先講講咖啡，一向都鍾意飲齋啡嘅我，叫咗Costa Rica Canet Bach呢款咖啡，除咗咖啡本身嘅香味，仲有好微嘅酒香。偏甘嘅苦味，唔會太strong，唔加奶同糖都容易入口。咖啡味刨冰，呢個刨冰咖啡味都算幾濃，刨冰好綿，唔會食到好大舊冰，刨冰中間還有牛奶味嘅刨冰，舒緩到咖啡嘅苦味。抹茶味pancake，整個pancake都係由抹茶製成，所以pancake本身有少少抹茶嘅甘苦味。呢度嘅pancake有別於平時喺出面食嗰啲，呢度嘅pancake有啲似鬆糕，比較有質感，唔會感覺好似食空氣咁。而pancake面仲有紅豆，同埋抹茶醬，能夠中和返pancake本身嘅抹茶苦味。值得推介俾其他朋友嚟試吓。