利寶閣 (已結業)

約左屋企人飲茶，揀左大家都就腳既利寶閣，上到The one 17樓，面海的景色令人豁然開朗。餐廳做緊148蚊點點放題，另送每位客鮑魚酥同一客花膠灌湯餃，相當抵食。坐低之後冇幾耐，侍應就開始上送的花膠灌湯餃同鮑魚酥。其他的點心就比點心紙放題形式下單。有多張點心紙，選擇很豐富。我地點左前菜，酸酸辣辣的皇帝菜，黑木耳同拍黃瓜，好開胃。酥皮叉燒包新鮮熱辣，酥皮香脆，叉燒不會太肥，餡料豐盈。叉燒飯也在放題範圍內，配有大概三塊厚切叉燒，煎蛋，菜，抵食好好味，尤其系d叉燒，肉質細緻冇渣！鯪魚球炸至金黃色，外脆內軟，好有特色。蒸品夠火候，口感不錯！