經典古早味蛋糕

營業中

休息中

呢間好耐之前經常幫襯呢間 但係一搬左就唔順路 所以都有好幾個月冇買過 然後屋企附近又有呢d蛋糕賣 以前買排隊條龍都幾誇張 假期仲誇張 所以以前我都係 OpenRice落單然後去自取 但係今日去黃金買野 順路望下 居然冇人排隊 莫非換左人唔好食 入去望下都係個d姐姐 佢地話冇換過 不過係深水埗最近有疫情 所以小左人 咁嘅時勢香港地搵區冇疫情都難 吹左幾句 跟住買半件原味 半件芝士 點知原來生意難做到佢地做埋大四即係四種不同口味切片拼一盒 呢d啱晒我樣樣想食d但又唔多人食嘅人 重點係返到屋企一食 真係好食過屋企樓下個間 樓下嗰間仲要台灣古早味 唔通係我唔識欣賞？經典嘅原味 真係鬆軟 宜且總係漲卜卜流心芝士 未食到流心位都有芝士香味一間咁出色蛋糕店 居然都不敵疫情 希望佢地撐住