一喜日本料理

營業中

休息中

一喜門面好靚好多日本擺設，餐牌仲好特別咁用竹牌首先叫左d刺身。將散叫刺身放埋一齊，好靚呀！影左好多相先願食。赤貝好爽口又大隻，海膽包飯好有特式。一板海膽又鮮又香唔會腥，用紫菜包飯食好配合。最欣賞嘅係芥末，鮮磨wasabi 好好食，唔會只係攻鼻，好有口感一粒粒山葵籽好正！黃鯛魚係今日特別介紹，肉質鮮美而且有魚味，清爽好易入口，肉質堅韌又滲住魚香。 小食方面叫左不能抗拒嘅芝麻雞翼，加左芝麻嘅雞皮非常脆口！三文魚腩就皮香肉滑，三文魚油流出黎會令人流哂口水。兩款小食配以檸檬汁入口就更惹味！主食就係京都醬油牛肉鍋，係味比較濃嘅湯底，又有甜味，幾似壽喜燒。入面和牛真係好嫩。本來以為煮耐左會鞋，但原來唔會呀。食極都好滑，有10幾塊。個牛肉鍋好深勁足料，除左牛肉、流心蛋，仲有椰菜豆腐金菇同水晶麵，水晶麵索左d湯好入味，飽肚又好食，仲忍唔住飲左幾啖湯。