七輪燒肉 (已結業)

七輪燒肉可能算係西環區少數主打日式燒肉既餐廳，加上喺正地鐵站出口對面，當日都唔少客人。我地點左二人餐，$388加一。包括一個沙律，二個小菜，燒肉（牛、雞、豬），一種蔬菜，飯，甜品。除左甜品之外，都可以選自己鍾意既款式。沙律揀左和風沙律，蕃茄個酸甜度balance得好好，同埋夠凍，好開胃！小菜分別係雞肝，同埋大根牛舌。雞肝夠香辣，牛舌又好稔同入味！ 食完前菜都飽左一半咁主角牛肉登場!每款有四塊，全部都有醃過，不過肉質一般，冇咩牛味。但係呢個價錢都唔會太高期望。鰻魚飯都夠飽肚，每一啖都食到鰻魚既，同埋用石鍋上，所以有飯焦添！最後甜品係雪糕一杯。總括黎講，反而覺得前菜同埋鰻魚飯好味過牛肉，但明明黎呢度係想食燒肉架嘛lol 不過以呢個價錢黎講，CP價都算高。