豆乳狂人 (已搬遷) 新店位置

食完晚飯同屋企人散步去左河畔花園，經過呢間豆乳狂人見到大排長龍，提供多款豆乳產品、豆漿、小食等等，好吸引!一於外賣糖水同屋企人返屋企慢慢歎~手工特濃豆乳足足有十款口味揀，小黃瓜、桃膠、粒粒香芒等創意十足。豆味芝士奶蓋豆乳茶上網睇相好吸引，配料夠哂豐富，有鹹香濃厚既豆味芝士奶蓋、彈牙煙韌既手工白玉；茶底係清香凍頂烏龍茶配特濃豆乳，底層仲有滑溜豆乳布丁，面層再灑上手工黃豆粉。大大杯勁飽肚，影相打卡一流，勁滋味!椰奶多芒楊枝甘露有齊芒果、柚子肉同西米，芒果份量十足，又香又甜好多汁；柚子肉清甜無渣、西米煙韌夠Q彈，落埋椰奶口感仲特別香滑唔會死甜。堅果芋泥豆乳豆花估唔到豆花可以配堅果+芋泥，出黎既效果好有驚喜!大量堅果好有嚼勁，芋泥夠軟滑、豆乳又好滑溜。手工黑糖鮮奶桃膠桃膠彈牙有咬口，含豐富膠原蛋白，養顏又潤燥，特別適合女士們！手工黑糖醇厚清香，配濃醇鮮奶，成個組合好夾～三色芋圓 自選配料，可以任選三款，揀左涼粉、桃膠、芋圓。滑溜豆花再配清涼涼粉特別夾，桃膠軟糯爽口，芋圓Q彈帶有嚼勁。屋企人同我好滿意各款甜品，難怪成日行過都大排長龍，值得一試再試～