心之食堂 (裝修中)

餐廳位於大廈嘅12樓，近地鐵站夠方便。日本菜食得多，但依間餐廳有好多新搞法新菜式，係其他日本餐廳冇嘅。侍應會俾本餐牌簿你，再用marker筆mark低想叫咩，夠環保。而且侍應服務好好，環境坐得舒服。心之火焰鐵板牛柳串($88)，上枱個陣用火槍燒，好震撼。牛柳每串有4件，焦焦地嘅外層，肉嫩唔會食到痴牙，而且好多肉汁。仲有大大件薯角，熱辣辣，菠蘿燒過之後，更甜。心之蛋卷($88)，入面包有三文魚、蟹籽及芝士，蛋卷非常厚，而且啖啖都食到餡料。配搭沙律醬及蕃茄醬食，就惹味好多。邪惡包(1件$38，圖為2件$76)，依個菜式必叫。2件帶子鮮甜，夾住嘅鵝肝煎得好香，d鵝油逼哂出黎，一邊食一邊滴d油汁出黎。仲有塊紫菜包住，唔會食到好‘輪盡’。彩虹卷($68)，入面卷住嘅炸蝦就算放耐左先食，依然脆，而且蟹籽沾滿壽司飯，仲有青瓜、牛油果及黑魚子，加埋沙律醬，一流。京蔥雞肉串2串($40)，淋上燒汁嘅雞肉燒完之後，肉質冇得‘鞋’，雞肉仲係滑，而且甜甜地好入味。配燒香左嘅京蔥一齊食，夠清新。紫薯甘栗餅($36)，餐廳嘅炸物好有水準，依個炸餅放耐左先食，同樣依然外層好脆，重點係炸皮好薄。內餡仲係好熱添，滿滿嘅