屏山老地方

營業中

休息中

坊間比較出名嘅新派肉餅飯有兩間，呢日有緣試到其中嘅呢一間。由於為食豬係芝士怪，諗都唔使諗要試六重芝士肉餅，另外叫多一個是日推介松露芝士牛肝菌肉餅。芒果沙冰($20): 天氣太熱，要整返杯透心涼嘅飲品。呢個芒果沙冰凍就夠凍啦，可惜冰粒非常大，芒果味仲唔多平均。松露芝士牛肝菌煎肉餅飯($58): 肉餅同飯嘅份量正常，菜都唔少。肉餅煎得好香，但說好的松露味欠奉，有點失望。肉餅中間夾咗少少牛肝菌同芝士。肉係半肥瘦，比較油膩，加上芝士令成個肉餅都好膩。六重芝士煎肉餅飯($60): 共有兩塊肉餅，似乎比較抵食。芝士係邊六重就唔太清楚，但份量唔少，而且目測用咗3款唔同嘅芝士，原來肉餅同芝士係幾夾嘅。同上面個松露肉餅比，為食豬比較鍾意呢一個。但同上面個肉餅一樣，肉餅係半肥瘦而且食到粒粒肥肉，加上六重芝士更顯油膩。