人和月雞煲火鍋店 (已結業)

小編今日約左一個好食得嘅朋友食飯，佢同我講話想食雞煲放題，但又想試下新野。心諗：你條友真係好麻煩😡。係OP碌碌下見到有酥皮麻辣芝士雞煲😮，完全顛覆我嘅想像。朋友又話想試下。即刻卜枱。😋😋自助吧有前菜🥒，醬料🧂🍯同火鍋食材等，趁雞煲🍲未上嘅時候，我地試左泰式鳳爪同香酥肉。泰式鳳爪夠酸夠辣，好好食。香酥肉肉質夠鬆化。因為製作需時，所以建議大家坐低即刻order 酥皮麻辣芝士雞煲🧀🌶️🐥🍲，麻辣可以選擇辣度🌶️。我地點左小辣🌶️。雞煲一上🍲，已經見到大大塊酥皮。然後將雞煲加熱，酥皮就會漲起，非常吸引😍食緊呢個雞煲🍲嘅時候你會覺得好似飲緊酥皮湯🥣咁。但入面全部都係芝士同雞🧀🐥。邪惡得嚟叫人難以抗拒。咁樣食雞煲🍲真係第一次。但真心好好食。去到打邊爐🍲嘅環節，其實食到呢到我已經飽飽地，但朋友戰鬥力驚人。湯底我地揀左菜膳養生牛奶湯🥛🥣。除咗可以用QR code點餐之外，出面亦都有打邊爐食材自助吧。食物種類都算豐富。真心覺得酥皮芝士雞煲好有創意之餘，味道都唔錯。值得一試。