蓋世堡

營業中

休息中

再一次相約好友門們睇波飲野, 撞啱師傅又冇咩野做, 於是決定早少少落黎坐下, 順便食少少野啦; 本來諗住唔食架喇, 但一陣要飲酒, 所以都係食少少打底穩陣d!於是就睇下有咩好食啦, 一個人當然唔會叫太多啦, 於是諗左一陣就揀左樣簡簡單單嘅食物, 就係五香肉丁餐肉公仔麵, 等左一陣就有得食!先講下賣相, 紅紅嘅湯底已經勾起師傅唔少食慾, 再睇真的都有兩塊餐肉, 先試下個湯底, 味道當然係好味精啦, 但咁樣絕對正常, 食公仔麵喎, 有味精有咩咁出奇; 不過湯底配埋肉丁嘅辣汁又真係幾正, 再食下肉丁發覺肉身夠鬆, 絕對唔會實的的, 唔錯, 可惜肉丁份量太少, 如果可以再多d就正喇; 餐肉本來就冇咩好講, 不過呢度嘅餐肉就唔算好味, 食得出唔係豬仔牌, 甚至梅林牌都應該唔係, 味道唔好, 扣唔少分; 而公仔麵就煮得幾好, 冇過腍或過硬, 可以啦!總括黎講呢度嘅食物質素喺酒吧黎講算唔錯, 絕對食得過, 廿八蚊個雙拼公仔麵, 都算抵食, 而且服務態度友善, 感覺真係唔錯; 坦白講黎得酒吧都唔會點樣寄望佢地嘅食物好味得去邊啦, 而呢度偏偏又算掂喎, 問你服未? 所以就算喺劈酒前當食埋飯, 都係一個唔