蘇眉 (已結業)

星期日同家人落樓食午飯，一去到見到個餐牌已發現加左價，之前65蚊嘅手打牛肉漢堡已變成75蚊。但因為呢間嘅水準唔水錯，又唔係成日食所以都照入去。我叫左個慢煮西冷牛扒飯（72蚊），老公叫左手打牛肉漢堡（75蚊），小朋友叫左蘆筍龍脷魚意粉（65蚊）。野食一上已發現比之前份量少好多，薯條少左一半，意粉大約少左3份1。可能係美景商場租金加價，都明白嘅。講返食物味道，我只食過我碟牛扒飯，牛扒有2塊，生熟程度剛好，但配菜只係白烚，冇任何調味，略嫌馬虎。但整體尚算好味。但始終呢間餐廳係美景黎講真係貴，所以只會間唔中食一次。