和牛88 (已搬遷) 新店位置

✨重點：店員態度惡劣，女仔都人均大約700先食得飽，提供既食物份量少價錢整貴質素一般，同等和牛出面放題都係400位。環境一般座位狹窄，極不建議幫襯。店員：第一次食野禁嬲，本身冇留意開日本餐桌禮儀，唔知筷子要橫向放。結果個店員見到即刻反白眼勁大聲''嘖'' ，勁粗魯咁大力地將我地筷子放番好。真係係茶餐廳都未試過咁比人對待🤡 兩個人食，張枱勁細，完全放唔落兩份食物野飲餐具，所以食時又冇橫放筷子。結果個店員又黎一野用手捉落筷子頭食野既位夾硬橫放我地對筷子🤡極不衛生，而且你禁注重餐桌禮儀你入黎就講啦，咩都冇講係度嘖係度西臉搞我地筷子，體驗極差。份量價錢：攝牙罅都唔夠一黎上左好細份前菜，味道唔錯，埋單先知要錢🤡同店員講野飲想走冰，店員話冇得走或少，份量固定，fine。結果杯野80％冰，炭酸野飲兩淡🤡第一次飲到禁大杯冰既野飲。火焰扒着火得3秒，味道一般，肉質係比一般牛軟，但冇咩牛味。二人份和牛壽喜燒加埋一要800蚊，但成鍋都係普通菜＋4片和牛🤡 和牛同400蚊位既和牛放題冇分別，食水極深。無論野食定係人都比到好差既體驗我地，強烈建議唔好以身試伏。