The Lob

營業中

休息中

喺度訂咗個生酮蛋糕，大熱天時行上嚟都幾係嘢，於是坐低飲杯嘢，食個飯先走。飲咗杯偽芒椰奶西，細細杯，但味道幾可亂真，正！再食咗個泡菜雞肉飯，飯係用蒟蒻飯，整體好食，食到唔停口。個生酮蛋糕仲正，之前食過其他生酮蛋糕都比較「鞋」，呢度蛋糕同凡人版完全冇分別，蛋糕軟熟，朱古力味同榛子味都適中，唔太甜，下次有朋友生日一定再訂，試下其他口味！如果佢地點再就腳啲，應該會成日幫襯，雖然價錢小貴，但物超所值。遲啲試埋啲Muffin同咖喱批先。