影片
更多
2024-01-28
37 瀏覽
上星期同朋友黎咗銅鑼灣永光中心嘅＜Sake Bar Chu Chu＞清酒🍶吧，對於平時比較少飲清酒嘅我真係一試難忘🤩 呢度嘅環境，食物同清酒，真係冇諗過每樣都竟然咁出色😍😍 餐廳有超過八十幾款嘅清酒選擇，唎酒師仲會喺現場講解清酒嘅歷史，味道同特色😎 當晚交流，美味同氛圍令到我哋都討論咗好幾日呀😆餐廳門口有好大隻貓貓嘅Icon圖案，招招積積咁，原來係老細養嘅貓🐈 我今日坐吧檯，環境好好，餐廳嘅燈光好舒服，見到酒櫃有咁多支酒，真係專業👍🌟佐酒小菜餐廳首先上咗個小食，係招財貓造型脆餅，裡面有吞拿魚，配埋紫薯，作為前菜唔錯🫶🏻🌟Sake Free Style (HKD400)一定要講嘅就係佢嘅清酒選擇，可選擇唔同嘅價錢配搭唔同嘅杯數，我哋每人都揀咗400蚊三杯，仲剔咗自己喜愛嘅口味🫶🏻唎酒師會根據你嘅選擇幫你揀清酒🫶🏻🌟1st round🍶九頭龍黑龍酒造，用九頭龍川嘅水，反光時會見到淺藍光，味道爽勁，好鍾意❤️🍶榮光富士山形縣代表，呢隻酒廠之前冇做，後來做返，有果甜味，讚👍🌟小食牛油烏賊肝醬炒魷魚非常好食， 即炒，由於有肝醬同牛油嘅關係，嗰種香味真係同清酒好夾😍🌟唐揚蘿蔔糕味道唔錯， 雖然蘿蔔糕
餐廳門口有好大隻貓貓嘅Icon圖案，招招積積咁，原來係老細養嘅貓🐈 我今日坐吧檯，環境好好，餐廳嘅燈光好舒服，見到酒櫃有咁多支酒，真係專業👍
🌟佐酒小菜
餐廳首先上咗個小食，係招財貓造型脆餅，裡面有吞拿魚，配埋紫薯，作為前菜唔錯🫶🏻
🌟Sake Free Style (HKD400)
一定要講嘅就係佢嘅清酒選擇，可選擇唔同嘅價錢配搭唔同嘅杯數，我哋每人都揀咗400蚊三杯，仲剔咗自己喜愛嘅口味🫶🏻唎酒師會根據你嘅選擇幫你揀清酒🫶🏻
🌟1st round
🍶九頭龍
黑龍酒造，用九頭龍川嘅水，反光時會見到淺藍光，味道爽勁，好鍾意❤️
🍶榮光富士
山形縣代表，呢隻酒廠之前冇做，後來做返，有果甜味，讚👍
🌟小食
牛油烏賊肝醬炒魷魚
非常好食， 即炒，由於有肝醬同牛油嘅關係，嗰種香味真係同清酒好夾😍
🌟唐揚蘿蔔糕
味道唔錯， 雖然蘿蔔糕表面吸收到醬汁，但都有脆口嘅感覺😎
🌟忌廉芝士明太子厚油揚
油揚簡單嘅質感配埋忌廉芝士同埋明太子一齊燒，味道即刻升價十倍🥰
🌟雞肝芝士伴匀醬
好難忘嘅一個小食，個醬做得唔錯，配埋多士食 ，而家仲記得個味道😎
🌟2nd round
🍶熟露枯
呢隻酒嘅獨特之處就係有熟成嘅效果，擺放咗喺防空洞二至三年，呢隻酒係我最鍾意，有層次之餘帶一點旨味😍
🍶江戶開城純米吟釀原酒
應用咗新派免洗技術，聽講係東京都幾出名，帶甜味，女士實鍾意❤️
🌟燒馬友一夜干
大絕🤩🤩 必點嘅一夜干， 餐廳揀咗油份十足嘅馬友魚，燒得好好，個皮好脆之餘裏面都juicy，個醬汁先係酸酸地，係啲碟菜嘅靈魂😍
🌟白蝦唐揚
白蝦大約5cm左右一隻，炸完有特別嘅香味， 完全唔會乾，炸功一流 ，佐酒小食首選🫶🏻
🌟3rd round
🍶翔空
呢隻清酒可以分類為濁酒而且係手工清酒，獨特之處係有少少蕃茄嘅味道，唎酒師話加少少七味粉就可以試到Bloody Mary嘅感覺，係幾過癮，一酒兩味😎
🍶大檸樂清酒
LIBROM特別製造嘅香港限定版😎 福岡製造，非常有話題性，味道有清新嘅青檸味，香港特色，大家大力支持啦😎
🌟串燒
呢度嘅串燒選擇都唔少，我哋叫咗好多，包括自家製月見免治雞肉棒，雞髀肉，雞肝，厚切牛舌，牛筋，白鱔，粟米，蘆筍。 串燒係做得非常之好，如果真係要選擇，牛舌，牛筋，白鱔同粟米係我私心推介🫶🏻
🌟雞白湯烏冬
飲到差唔多，梗係叫一碗湯烏冬啦。份量唔算太多，兩個人食啱啱好，喺呢個時候飲熱辣辣嘅雞白湯真係暖在心🥰
＜Sake Bar Chu Chu＞真係一間極之好嘅清酒吧👍唎酒師真係功不可沒😎 另外，料理長嘅功力同食材嘅選擇絕對令啲一餐生色不少。飲開清酒既朋友我覺得可以過嚟試下佢哋啲珍藏，而未去過清酒吧嘅朋友 ，一定要過嚟試下，你絕對會得到一個非常唔錯同驚喜嘅體驗，超級真心推介🫶🏻🫶🏻🫶🏻
張貼
