影片
更多
2018-03-24
72 瀏覽
呢個星期每日都忙到透氣都冇時間，今日Happy Friday，同事話不如dinner埋吹下水relax吓，就揀咗間氣氛輕鬆嘅餐廳大擦一餐。Season Plus喺觀塘工業區中海日升中心，同譚仔同一層，不過就喺嗰層最入嗰個位。到咗餐廳見到人頭湧湧，非常熱鬧。【精選生蠔$9/隻】先嚟精選生蠔，$9/隻抵到爛，而且唔細隻，食落味道不錯，入口冇耐就開始回甘。【海鮮拼盤 (冷)$198】都真係幾大盤吓，有原隻波士頓龍蝦、一磅韓國花蛤、四隻法式凍熟大蝦、兩隻加拿大翡翠螺、四隻紐西蘭青口。花蛤有幾十隻，不過部份有沙。翡翠螺同凍熟大蝦都唔算大隻，不過幾鮮甜又彈牙。波士頓龍蝦都大隻而且多肉，肉質鮮爽。【燒海膽芝士多士$68】四塊熱多士，食落係香濃燒芝士帶淡淡海膽味，不錯。【熊本霜降西冷$198】肉質鮮嫩而且咬落去肉汁勁豐富，不過部份有筋。配菜有沙律同薯角，但薯角係凍嘅。【白酒煮馬尼拉蜆$78】蜆大大隻，蜆肉都幾水潤。白酒煮出嚟嘅熱湯略帶甜味，用蜆殻裝住啲湯嚟食，蜆嘅鮮甜同湯嘅酒甜又幾夾，味道相當不錯。現場見到好多客人都有叫海鮮拼盤。喺熱鬧氣氛下，食住大大盤海鮮嘆返杯白酒，輕輕鬆鬆又一晚，身心都大解放，難
Season Plus喺觀塘工業區中海日升中心，同譚仔同一層，不過就喺嗰層最入嗰個位。到咗餐廳見到人頭湧湧，非常熱鬧。
【精選生蠔$9/隻】
先嚟精選生蠔，$9/隻抵到爛，而且唔細隻，食落味道不錯，入口冇耐就開始回甘。【海鮮拼盤 (冷)$198】
都真係幾大盤吓，有原隻波士頓龍蝦、一磅韓國花蛤、四隻法式凍熟大蝦、兩隻加拿大翡翠螺、四隻紐西蘭青口。
花蛤有幾十隻，不過部份有沙。
翡翠螺同凍熟大蝦都唔算大隻，不過幾鮮甜又彈牙。
波士頓龍蝦都大隻而且多肉，肉質鮮爽。
【燒海膽芝士多士$68】
四塊熱多士，食落係香濃燒芝士帶淡淡海膽味，不錯。【熊本霜降西冷$198】肉質鮮嫩而且咬落去肉汁勁豐富，不過部份有筋。配菜有沙律同薯角，但薯角係凍嘅。
【白酒煮馬尼拉蜆$78】蜆大大隻，蜆肉都幾水潤。白酒煮出嚟嘅熱湯略帶甜味，用蜆殻裝住啲湯嚟食，蜆嘅鮮甜同湯嘅酒甜又幾夾，味道相當不錯。
現場見到好多客人都有叫海鮮拼盤。喺熱鬧氣氛下，食住大大盤海鮮嘆返杯白酒，輕輕鬆鬆又一晚，身心都大解放，難怪呢度都幾受上班族歡迎。
張貼
