町町丼丼 (威靈頓街) (已結業)

町町丼丼，港九新界都有，今次食既依間位於中上環❕🔅 中環威靈頓街182號LG樓🔅專賣和風丼飯，係依區黎講價錢相當親民😙店內簡潔舒適加啲日式裝修，餐牌由滑蛋丼、蛋包飯、日式咖哩，到鍋物都有，仲有好多小食揀，啲相好吸引😍壽喜燒牛肉鍋，配飯，超大鍋，擺得都好精緻，鍋底唔會太甜幾啱口味，豆腐非常滑👍🏻肥牛勁多，成個鍋好好送飯，而珍珠米都好夾好好味😋加左隻溫泉蛋，配落個鍋同埋啲飯都好夾，推介💓再食之前飲下野，蜜桃桂花烏龍，好香濃既桃味，唔會太甜，幾refreshing😎青芥末芝麻醬手撕雞，可配飯或烏冬，正擔心食唔晒，原來可以配沙律🥗雞絲好嫩滑下，青芥末芝麻醬好好味，唔會膩，愈食愈想食👍🏻其實配日式沙律係超夾，而都係份量好夠！讚，加多左個鰻魚串，燒得好香，多肉又滑又惹味，正🤤樣樣野都好味而最驚人真係個份量，包你話多😄店員仲要好有禮貌好親切，性價比真係高到爆💥