影片
更多
2025-01-23
764 瀏覽
今次我地黎左沙田呢邊行街，都勁多野行，我地過左黎一田呢邊行完就順便係三期呢邊開始搵野食，搵到呢間台式邊爐放題幾多人排隊，多人排多數都好食，梗係跟機，原來可以用Gulu app電話攞飛，下次醒啦😆佢地有5個級別既餐，lv1-3就食100分鐘，lv4-5就食120分鐘，一場黎到就食個lv4（$388），可以食多20分鐘✌🏻湯底我地叫左2個，一個羊肚菌八珍湯，用多種唔同既珍菌煮，味道清甜，另外就係青花椒麻辣湯，辣打邊爐就最岩，一辣一唔辣既湯咁就岩岩好😝lv4既牛肉有澳洲和牛肩胛肉眼最靚，牛扑肉（CAB牛頭發），同埋頂級無骨牛小排都幾靚，我有叫埋其他肉比較下，真係明顯有分別，lv4既三款肉好高質，不過其餘既都唔錯👍🏻海鮮既lv4有鮑魚，大蝦，但我最驚喜既係lv3都有既響鈴魚籽蝦滑卷，雖然佢浸左湯冇左響鈴既脆，個人覺得佢似枝竹多，但係佢同個蝦滑好夾，個口感好正，其次仲有沙白，魚肚都值得嗌🦐熟食有多款台式小食，最特別就係蚵仔煎，香港比較少見，最好食我覺得係藤椒魚皮，而炸魚皮放湯煮都正，鹽酥雞同金沙芋泥波都ok😋自助區仲有好多唔同火鍋配料，蔬菜等等，最正就有台式甜品既仙草芋圓同愛玉芋圓，個底店員已經
佢地有5個級別既餐，lv1-3就食100分鐘，lv4-5就食120分鐘，一場黎到就食個lv4（$388），可以食多20分鐘✌🏻
湯底我地叫左2個，一個羊肚菌八珍湯，用多種唔同既珍菌煮，味道清甜，另外就係青花椒麻辣湯，辣打邊爐就最岩，一辣一唔辣既湯咁就岩岩好😝
lv4既牛肉有澳洲和牛肩胛肉眼最靚，牛扑肉（CAB牛頭發），同埋頂級無骨牛小排都幾靚，我有叫埋其他肉比較下，真係明顯有分別，lv4既三款肉好高質，不過其餘既都唔錯👍🏻
海鮮既lv4有鮑魚，大蝦，但我最驚喜既係lv3都有既響鈴魚籽蝦滑卷，雖然佢浸左湯冇左響鈴既脆，個人覺得佢似枝竹多，但係佢同個蝦滑好夾，個口感好正，其次仲有沙白，魚肚都值得嗌🦐
熟食有多款台式小食，最特別就係蚵仔煎，香港比較少見，最好食我覺得係藤椒魚皮，而炸魚皮放湯煮都正，鹽酥雞同金沙芋泥波都ok😋
自助區仲有好多唔同火鍋配料，蔬菜等等，最正就有台式甜品既仙草芋圓同愛玉芋圓，個底店員已經整好曬比客人攞，跟住可以自己加配料落配甜品度，呢個我都好鐘意，另外仲有大量飲品，自製既冷泡茶，同埋有雪糕雪條，多到食唔曬🍨
呢間放題我覺得係高質既，如果你係大胃王，同埋對牛有要求既，咁一定要食lv4，因為可以食多20分鐘同埋d牛係堅靚，如果係對台式小食等等興趣大既，就lv3最好，因為佢lv3先接近包曬所有熟食，lv2以下種類就偏少，所以lv3或lv4係最好😉
張貼
