Layback Cafe & Bar (已結業)

今晚收工同朋友傾下近況，約咗喺尖沙咀一間比較隱蔽嘅樓上Cafe食晚飯。小店坐位都幾多、而且仲有室外位置、依家依啲天氣咁涼爽，坐戶外露天真係唔錯。不過去到已經無哂戶外位喇。香蒜白酒露荀日本和牛粒燴扁意粉最喜歡嘅篇意粉我，點咗依個香蒜白酒露荀日本和牛粒燴篇意粉。露荀落得都幾多，完全唔孤寒。日本和牛粒大約有半塊牛扒嘅份量，牛肉香濃美味，香蒜白酒汁少少濃味，但配返扁意粉同一口和牛肉，味道又剛剛好。LAYBACK ALLDAY BREAKFAST 朋友點咗Allday Breakfast，食材都非常豐富。我偷食咗少少，炒蛋香滑，仲落咗松露油炒，好正。CHILL小食拼盤小食拼盤非常豐富，有紫薯餅、天婦羅炸蝦、菠蘿釀雞翼同埋炸一口芝士。全部都即點即炸。我最喜歡菠蘿釀雞翼同紫薯餅，雞翼吸收哂燒菠蘿嘅甜味、紫薯餅入口充斥香甜紫薯味道。泡沫冰搖咖啡喜愛飲咖啡嘅我，夜晚都會照飲咖啡。冰咖啡經過搖晃之後，咖啡同空氣融合，整個口感飲起嚟感覺更滑、香甜味更加明顯。青蘋果蜜桃沙冰朋友點嘅係青蘋果蜜桃沙冰。我見都幾大杯，賣相好靚，而且仲有青蘋果肉同蜜桃肉作點綴，唔錯呀。