高美食店

營業中

休息中

十世冇黎Island Gourmet，今日心血來潮，黎呢度食返個scone先。周六下午5點前黎到，居然唔洗等位。Scones $60兩件 另加一揀左四個Scones都係提子味，仲特登交帶左要好熱好熱嘅。我哋影完相就即食。果然Scone上面外皮香脆而入面夠鬆，但係唔會散開。提子乾大大粒。今次轉左用包裝嘅英國製clotted cream，雖然個面好似有少少凝固，但係其實唔係，下底嘅忌廉好香滑，我每啖scone都加左好多clotted cream一齊食。另外仲跟左一小瓶士多啤梨果醬同杏味果醬，好generous。食完唔夠喉，再整多兩件先。每個$30真係完全唔貴，抵食。環境就唔洗講鬼咁靚，以歐洲風為主。座位舒適，環境安静，服務員好忙不過不失禮貌。