安南 (利園) (已搬遷) 新店位置

五月校慶後再相約班中學同學相聚，三四十人經過二個月安排，最終一行十六人訂下安南private room來個雞啄唔斷嘅gathering。開係利園嘅越南菜餐廳一定唔係大眾化價錢，主持人已訂好菜單好等各姐妹無憂地享受美食之餘又可暢所欲言。五款頭盤，食完已經飽咗一半， 青芒果木瓜沙律一向係我至愛，既開胃又有嚼口。另外香茅雞肉蝦片亦惹味椰青大蜆湯，內有輕輕嘅椰香， 越飲越重胡椒辣味， 莫非可驅風？到主菜，先嚟金露大頭蝦，呢個邊輸得，好香燒雞同芥蘭都冇失禮， 個牛肉湯河粉份量不多剛👌， 只是条筍殼魚D肉較結實， 唔夠滑。美食、美酒後， 送上的椰子雪糕，除了椰香撲鼻，內有少少椰絲， 真的好回味包房嘅好處係唔怕講得大聲，笑到失儀，唯一的缺點就是間房回音很大， 真是難為了當晚嘅服務員。