影片
更多
2014-05-19
6121 瀏覽
上星期約左幾個朋友食生日飯,主角話想食片皮鴨,諗起呢度,一早訂左位,8:30,我們8:20左右到酒樓,已經好多人,幾乎坐滿. 跟住好快有張枱俾我地. 因為有幾個朋友未到,所以睇住餐牌先,仕應都是上人紀的男仕,因這裏係舊式酒樓,已經幾十年歷史. 見到有一個四至五人北京填鴨餐,好抵,500幾蚊就有好多嘢,真的好FIT我地呀.等左一陣我地都未齊人,就叫住兩樣嘢食住先,一碟三鮮餃子及一碟皮蛋豆腐. 後尾都齊人,就再叫埋個套餐. 前菜有一碟花生及一碟好似泡菜的菜,碟京式泡菜又幾好味喎,酸酸辣辣好開胃, 仕應個樣好似好COOL,但其實係好盡責的,見我地未叫嘢,已經不停係度幫我地拆筷子套,又加茶,我地幾乎食晒碟泡菜又換一碟新的俾我地喎,好細心呀.餃子份量都唔細喎,有十粒,熱辣辣,好多肉汁,好好味呀,唔會好濃味,加少少豉油就啱啱好啦. 皮蛋豆腐都係熱的,唔係一片一片豆腐及皮蛋,係一粒粒的,不過豆腐都唔會好淋身,係硬硬地身的,幾好味呀,夠清.之後個北京填鴨餐:三絲粉皮, 這個粉皮的顏色好似同平時食開的有點分別,個麻醬好深色的,都係火腿,肉,青瓜絲,不過個粉皮好碎,同埋味道有點不一樣,個麻醬都好濃味,我地
上星期約左幾個朋友食生日飯,主角話想食片皮鴨,諗起呢度,一早訂左位,8:30,我們8:20左右到酒樓,已經好多人,幾乎坐滿. 跟住好快有張枱俾我地. 因為有幾個朋友未到,所以睇住餐牌先,仕應都是上人紀的男仕,因這裏係舊式酒樓,已經幾十年歷史. 見到有一個四至五人北京填鴨餐,好抵,500幾蚊就有好多嘢,真的好FIT我地呀.等左一陣我地都未齊人,就叫住兩樣嘢食住先,一碟三鮮餃子及一碟皮蛋豆腐. 後尾都齊人,就再叫埋個套餐. 前菜有一碟花生及一碟好似泡菜的菜,碟京式泡菜又幾好味喎,酸酸辣辣好開胃, 仕應個樣好似好COOL,但其實係好盡責的,見我地未叫嘢,已經不停係度幫我地拆筷子套,又加茶,我地幾乎食晒碟泡菜又換一碟新的俾我地喎,好細心呀.
餃子份量都唔細喎,有十粒,熱辣辣,好多肉汁,好好味呀,唔會好濃味,加少少豉油就啱啱好啦. 皮蛋豆腐都係熱的,唔係一片一片豆腐及皮蛋,係一粒粒的,不過豆腐都唔會好淋身,係硬硬地身的,幾好味呀,夠清.
之後個北京填鴨餐:
三絲粉皮, 這個粉皮的顏色好似同平時食開的有點分別,個麻醬好深色的,都係火腿,肉,青瓜絲,不過個粉皮好碎,同埋味道有點不一樣,個麻醬都好濃味,我地都係鍾意食番平時的味道
餃子一碟,都係三鮮蒸餃,又係熱辣辣多湯汁,夠鮮
賽螃蟹,大大碟的,有蟹肉,有點豉油攪埋一齊食,都好鮮呀,個蛋夠滑,用嚟送飯一流
京爆牛肉,呢個都好多牛肉,牛肉都好淋身的.大大塊呀
鴨架湯,冬瓜鴨架湯,勁多冬瓜,反而鴨只是好少,好清甜,夠晒去濕呀,又係大大窩
片皮鴨一隻,這隻填鴨好大碟,唔算好肥呀,好多肉,用塊皮,醬,京蔥,青瓜包埋一齊食,好好味呀,個皮都有二十幾塊架,個皮唔似人地的好薄,較厚,但又唔會好硬喎.個醬都好好味,好香濃的啊. 我地每人起碼食左三份都仲有淨呀.
高力豆沙,這個反而一般,因為個皮較厚同埋唔熱
這個套餐好抵食,又大份,我們有個蛋糕放係雪櫃,仕應真的好細心,初初見我們停晒手,就諗住會食蛋糕,就攞定碟同叉俾我地,但其實我地未咁快食,因為呢度11點關,所以有點趕,之後我們話上蛋糕,仕應就叫我地食晒枱面的嘢先,唔好浪費. 又唔使收切餅費,GOOD AR.
張貼
