渡邊屋

營業中

休息中

經過繁忙嘅衙前圍道中間，發現窗邊嘅師傅好忙碌咁處理魚生。呢間餐廳環境細細，但係提供嘅刺身種類超多。特上壽司盛盒十種唔同壽司，款款都係超級鮮味。最愛嘅左口魚油香十足，食完成個口都係魚香味。而加州卷看似平凡，但食材都係新鮮，食落爽口。間八壽司間八口感爽口彈牙，相比其他壽司冇咁油膩，食到陣陣魚香味。北海道刺身丼刺身丼絕對係今日MVP！刺身款款新鮮同厚切就基本喇，但重點係個海膽。今日係選用加拿大海膽，感覺平時都有機會食到冇特別。但食落係另一個層次，海膽鮮甜不特止，食完個口感係好似食咗牛油咁。呢個鮮甜牛油海膽溶咗係個口到，果陣鮮香味持久，完全衝擊味蕾。我都係第一次食到咁嘅味道，師傅話有時都要睇運氣。相信餐廳對食材嘅執著可為食客帶來更高嘅運氣同滿足。