影片
更多
2020-10-18
757 瀏覽
旺角豉油街開左一間新既餅店，主打北海道3.6牛乳整成既蛋糕、鮮奶撻😍撻類有凍有熱，有咸有甜，接近二十款!! 見到好多客人排隊買，我都唔好意思慢慢揀，就隨心揀左以下6款撻😍鮮忌廉吉士泡芙 $25 (凍)依個巨型泡芙真係不得了，同老公兩份食都飽到傻😂入面既鮮忌廉真係多到用力壓一壓都溢出黎🤣大家心急食既同時記得要輕手啲!! 泡芙都整得好出色，輕身得黎勁香蛋味，撒上糖霜真係好吸睛👀廣島檸檬吉士撻 $20 (凍)第一啖食好酸呀😂咁啱生緊飛滋，有啲痛🤭但味覺習慣左之後又覺得檸檬同吉士幾夾，因為甜點本身係甜，有啲酸味中和下可以令人覺得無咁溜😉咁先有quota食下一個撻!!酸乳酪芝士撻 $20 (熱)剛係焗爐拎出黎，酸乳酪果部分仲係流心狀態嫁😍熱辣辣咁咬落去爭啲辣親個咀...芝士味的確好濃，加上酸乳酪令整個撻既口感更加滑，依個配搭好明智🤩北海道3.6牛乳鮮奶撻 $15 (熱)依個鮮奶撻我拎到番屋企已經凍左，仲雪左陣 (屋企太熱怕變壞)，但食落口感都仍然係好滑呀‼️鮮奶味好濃郁，不愧係北海道直送既3.6牛乳😍錦爽磨菇芝士雞批 $20 (熱)拎上手已經覺得好墜手，都估到入面好足料😂雞粒、火腿、洋蔥、蘑菇，全
鮮忌廉吉士泡芙 $25 (凍)
依個巨型泡芙真係不得了，同老公兩份食都飽到傻😂入面既鮮忌廉真係多到用力壓一壓都溢出黎🤣大家心急食既同時記得要輕手啲!! 泡芙都整得好出色，輕身得黎勁香蛋味，撒上糖霜真係好吸睛👀
廣島檸檬吉士撻 $20 (凍)
第一啖食好酸呀😂咁啱生緊飛滋，有啲痛🤭但味覺習慣左之後又覺得檸檬同吉士幾夾，因為甜點本身係甜，有啲酸味中和下可以令人覺得無咁溜😉咁先有quota食下一個撻!!
酸乳酪芝士撻 $20 (熱)
剛係焗爐拎出黎，酸乳酪果部分仲係流心狀態嫁😍熱辣辣咁咬落去爭啲辣親個咀...芝士味的確好濃，加上酸乳酪令整個撻既口感更加滑，依個配搭好明智🤩
北海道3.6牛乳鮮奶撻 $15 (熱)
依個鮮奶撻我拎到番屋企已經凍左，仲雪左陣 (屋企太熱怕變壞)，但食落口感都仍然係好滑呀‼️鮮奶味好濃郁，不愧係北海道直送既3.6牛乳😍
錦爽磨菇芝士雞批 $20 (熱)
拎上手已經覺得好墜手，都估到入面好足料😂雞粒、火腿、洋蔥、蘑菇，全部都係我至愛😋外皮鬆軟得黎唔會一咬就散曬，高質👍
朱古力吉士撻 $20 (熱)
如果覺得鮮奶撻唔夠邪惡，我建議你試埋依個朱古力吉士撻😈口感同鮮奶撻一樣咁滑溜，不過就多左香濃既朱古力味🤤雖然係偏甜，但唔甜又點叫得上甜品呢？食咗先算啦😬‼️
PS 特別一讚所有撻既撻皮都整得好鬆軟，就算凍左都無變淋...疫情期間好難即場係街食，拎到番屋企都仲保持到高質素，認真難得👍👍
15 瀏覽
0 讚好
0 留言
9 瀏覽
0 讚好
0 留言
11 瀏覽
0 讚好
0 留言
5 瀏覽
0 讚好
0 留言
張貼
