影片
更多
2019-03-02
1389 瀏覽
近呢幾年素食越嚟越流行，北角都多咗好幾間素食餐廳。朋友打算約星期日夜晚食飯，於是打咗電話去book 18:30七位。一去到餐廳座無虛席，好彩book咗位先至去，咁就唔使等位等咁耐。朋友其實已經食過呢間餐廳好幾次，佢哋因為芋頭南瓜煲係必食，所以我哋都嗌咗一個，然後再叫菠蘿生炒素骨、金針木耳猴頭菇、三杯鮮竹粒豆腐煲、川香素回鍋肉、星州炒米同 素魚翅海羹炒飯（二人分）。有一啲菜屬於晚市套餐，所以就會有一碗例湯附送，例湯係老黃瓜紅蘿蔔粟米湯，入面仲有啲眉豆，個湯飲落好清甜，好似冇落過任何味精。首先係個魚翅海羹炒飯嚟先，雖然話係二人份，但係足夠三個人食，炒飯炒得好乾身，冇乜油膩感，粒粒分明而且仲有蛋香味，撈埋佢側邊嘅魚翅海鮮羹更好味，有翠肉瓜、木耳、素魚翅等等。芋頭南瓜煲用咗椰汁煮，更突顯芋頭、南瓜原有嘅甜味，香濃而不膩，送飯一流。菠蘿生炒素骨都好好味，素骨炸得脆口，咬落去口感亦好似排骨味道，醬汁嘅酸甜度適中，令人一件接一件放入口。金針木耳猴頭菇放埋紅棗一齊蒸，金針唔會有酸味，猴頭菇亦都吸收左金針淡淡的香氣同埋紅棗嘅味道，十分juicy。三杯鮮竹粒豆腐煲亦十分惹味，餐廳應該係先微炸豆腐粒，然後再
近呢幾年素食越嚟越流行，北角都多咗好幾間素食餐廳。朋友打算約星期日夜晚食飯，於是打咗電話去book 18:30七位。
一去到餐廳座無虛席，好彩book咗位先至去，咁就唔使等位等咁耐。
朋友其實已經食過呢間餐廳好幾次，佢哋因為芋頭南瓜煲係必食，所以我哋都嗌咗一個，然後再叫菠蘿生炒素骨、金針木耳猴頭菇、三杯鮮竹粒豆腐煲、川香素回鍋肉、星州炒米同 素魚翅海羹炒飯（二人分）。
有一啲菜屬於晚市套餐，所以就會有一碗例湯附送，例湯係老黃瓜紅蘿蔔粟米湯，入面仲有啲眉豆，個湯飲落好清甜，好似冇落過任何味精。
首先係個魚翅海羹炒飯嚟先，雖然話係二人份，但係足夠三個人食，炒飯炒得好乾身，冇乜油膩感，粒粒分明而且仲有蛋香味，撈埋佢側邊嘅魚翅海鮮羹更好味，有翠肉瓜、木耳、素魚翅等等。
素魚翅海羹炒飯（二人分）
64 瀏覽
0 讚好
0 留言
芋頭南瓜煲用咗椰汁煮，更突顯芋頭、南瓜原有嘅甜味，香濃而不膩，送飯一流。
芋頭南瓜煲
58 瀏覽
0 讚好
0 留言
菠蘿生炒素骨都好好味，素骨炸得脆口，咬落去口感亦好似排骨味道，醬汁嘅酸甜度適中，令人一件接一件放入口。
菠蘿生炒素骨
64 瀏覽
0 讚好
0 留言
金針木耳猴頭菇放埋紅棗一齊蒸，金針唔會有酸味，猴頭菇亦都吸收左金針淡淡的香氣同埋紅棗嘅味道，十分juicy。
金針木耳猴頭菇
59 瀏覽
0 讚好
0 留言
三杯鮮竹粒豆腐煲亦十分惹味，餐廳應該係先微炸豆腐粒，然後再放入煲同鮮枝竹一齊炆，豆腐入面又滑又嫩，外面就沾有醬汁味。
三杯鮮竹粒豆腐煲
60 瀏覽
0 讚好
0 留言
朋友鍾意食川香素回鍋肉，因為完全做出回鍋肉嘅濃香味，不過我個人就對回鍋肉麻麻，所以認為回鍋肉味道偏油膩。
川香素回鍋肉
60 瀏覽
0 讚好
0 留言
星洲炒米嘅咖喱味好濃郁，米粉亦都夠鑊氣，炒得米粉爽而不油，如果我冇食錯，應該加咗豆卜絲一齊炒。
叫咗咁多餸，埋單只係四百幾蚊，個個食到捧住個肚走，真係好抵食，而且呢間餐廳做中式素食真係幾出色，味道同葷差唔多。
如果週末想嚟食可能訂位就會好啲，因為座位唔係特別多，一邊食都見到好多人喺出面等位。
星州炒米
41 瀏覽
0 讚好
0 留言
張貼
