嚮和風料理

營業中

休息中

嚮和風料理今次要介紹喺北角渣華道附近有一間和風料理餐廳叫「嚮和風料理」，輪椅人士如果要入去食嘅話就要自備斜板，因為佢哋門口有一級，店員以為我入唔到去，我一拎出斜板就非常歡迎我入去，搵咗個靚位置比我坐，仲好快手遞咗兩杯綠茶，一睇餐牌主要分飯類、麵類同沙律類，全日都冇加一服務費，都幾抵食！1.慢煮豬軟骨沙律$78+熱咖啡$15（9/10）呢個慢煮豬軟骨沙律個豬軟骨好淋身，豬軟骨又大舊，咬落勁多骨膠原，一共有3舊豬軟骨。至於沙律菜非常新鮮爽脆多汁，除咗沙律菜之外，仲有番茄仔同粟米粒等，不過沙律醋比較酸咗少少，整體份量都算多。跟餐叫咗熱咖啡，只係加$15，熱咖啡唔算好苦，無酸味，好啱我口味，我個人比較鍾意苦咖啡！2.白芝麻牛肋野菜咖哩飯$68+玉泉忌廉$8（9.5/10）呢個牛肋野菜咖哩飯面上落咗好多白芝麻，白芝麻好香，牛肋肉好淋身，大約都有10舊，其他野菜配料包括有椰菜花、薯仔、紅蘿蔔、翠玉瓜同蕃茄仔等，咖哩唔辣又唔甜，如果帶辣一點就好啦！跟餐揀咗玉泉忌廉汽水，只係加$8！2人總共價錢$169個人口味總評分：9.25/10@brother_group2023 地址：北角渣華道124-132號