粵 (已結業)

一年前去北角附近做野係城市花園試左個好味既星馬菜，一年後今日決定再去城市花園試其他野。今日同埋屋企人去，當然係揀食中菜啦！一打開Menu 第一版就已經係得獎名菜，梗係要試下啦。雪嶺紅梅映松露：睇個名唔知咩黎，黎到就知原來係顏色艷麗的蒸蛋白，上面再加塊魚。問D職員先知，原來三層蛋白係唔同味，最底層係上湯蛋白，第二、三層的蛋白中分別混合左新鮮蔬菜汁同紅蘿蔔汁，最頂層係東星班片同黑松露。食落真好味，魚鮮味、蛋白幼滑不老，但食完之後有D飽。江南百花雞：釀進了蝦膠既酥炸雞棒，再配蛋白(又係蛋白)，不過好味。釀焗鮮蟹蓋：讚讚讚，洋蔥同蟹肉混合，再以芝士封好，焗。蟹肉味好鮮(唔知係咪洋蔥帶起左)，一字既之曰：正之後仲叫左燒腩仔，飲左個湯，食左個炒飯。埋單二千幾蚊，不過酒店米芝蓮黎講唔算好貴。