海樂餃子店

營業中

休息中

難得去北角，原本想試下那個，但朋友早啲去到都已經好多人排隊。咁啱見隔離有間餃子店，鐘意食餃子既我地就即刻轉場試下😎。餃子店黎講呢間算坐得比較舒服(甜記逼到傻🙈)。Lunch hour店員都比較忙，但都好爽手有禮貌👍🏻。🔅鮮肉雲耳椰菜餃 ($53)餃子口感結實，夠大隻，雲耳椰菜呢個配搭無得輸😎。餃子皮唔算厚，餡多少少令個邊位少啲就更好。湯底係無味精既花膠淮山豬骨，飲落真係好足料無味精🤤。平時叫無味精多多少少飲完都係覺得差啲，但呢間既湯好滿意🥺！好難得最尾我飲晒啲湯🤣。🔅鮮肉紫菜餃 ($53+$3轉煎餃)紫菜味雖然唔算好出，但好鐘意個口感👍🏻。餃子唔會煎到個皮硬晒，食落仲好有肉汁。雖然油左少少，不過飲埋碗湯即刻覺得無咁熱氣🤣。💬餃子果然都係要試小店，有驚喜！價錢又抵，餃子啖啖肉😚，值得推薦。