究極堂 (蜆殼街)

營業中

休息中

原來北角有間咁高質嘅日式料理「究極堂」，身為北角人嘅我居然唔知道，好彩今日同事帶我黎，如果唔係真係走寶😆望望個餐牌，除咗有丼飯、刺身、壽司、炸物，仲有pizza添，啲sake🍶仲好抵飲，我地嗌咗支720ml嘅菊水，實行飲飽食醉嘅一晚✌🏻海膽左口魚邊蝦卷經炙燒過嘅左口魚充滿油香加上鮮甜嘅海膽同脆卜卜嘅炸蝦，口感層次豐富，上面嘅芝麻令香味更加突出濃湯蕃茄咖哩牛肉烏冬牛肉份量勁多，濃郁嘅蕃茄咖喱湯底配上滑溜嘅烏冬，又香又濃，我地都爭住食😂究極海鮮杯一杯入面有齊吞拿魚蓉、海膽、蟹籽、飛魚子、蟹肉、蜜柑啫喱，味道鮮甜，底下嘅啫喱酸酸地加上蜜柑，多重味道，配搭得宜炸芝士條送酒一流嘅小食，芝士條外面香脆，裏面嘅香濃芝士仲可以拉絲添究極炎之丼店員推介真係冇介紹錯😆丼飯入面有炙燒赤海蝦、左口魚、帶子、三文魚蓉、蟹膏，火炙令海鮮嘅鮮味更加突出，食完個飯真係超滿足😍韓式泡菜章魚玉子燒玉子燒係我嘅最愛，見到menu有個較為特別嘅泡菜章魚玉子燒，梗係嗌呢個試吓啦，章魚Q彈爽口，玉子燒滑捋捋，一啖咬落去仲食到酸爽嘅泡菜，多重口感，正👍🏻啤酒薯條配蜜糖芥茉醬炸雞軟骨配海膽醬食咗咁多野我地仲未夠喉，最後仲嗌多兩個小食