太平館餐廳

營業中

休息中

上個禮拜係家姐生日，爸爸就推介去呢間有好耐歷史嘅太平館餐廳食晚餐，果然冇令我地失望。瑞士汁雞翼係我最中意嘅其中一樣菜式，一上桌就聞到濃郁嘅瑞士汁味，仲有幾舊薯仔做伴碟。唔似其他大餐廳咁啲雞翼好細隻，反而隻隻雞翼都大大隻，好入味！梳乎厘係我極度推介嘅食物！食完主菜後，待應就過來問我地上菜未，十分有禮貌。等左一陣，梳乎厘就黎啦，影完相之後個梳乎厘都仲未塌。一食落去個感覺就好似身處係天堂咁，好有蛋白香味，味道調配得剛剛好，食到底仲有少少焦糖味，極度推介！