Woods (已結業)

波鞋街拆左之後就變咗好多，起左好多唔同嘅商場又或者係私人住宅，但係都仍然有波鞋賣，整體變化唔算好大，呢間餐廳就由波鞋街行到尾就見到。一入去就見到大大張紙寫住有即開即食嘅生蠔，仲可以配埋白酒同埋紅酒飲都係二百零蚊，其實都好吸引。雖然話生蠔配紅酒或者白酒係一種品味，但係如果唔鍾意飲酒嘅人都可以將兩杯酒轉為特飲，配合唒唔同的人。但係當晚就剩係得朋友一個鍾意食，所以淨係叫咗三隻，散計呢就＄38隻，質素都非常之高，又肥又鮮甜，好值得食。另外仲叫咗個美國肉眼扒，今次就叫咗五成熟，呢個肉眼扒型狀有別於出面，係薄而大，牛味濃，無乜根，個人覺得好好味。我最中意係拒個配菜，有露荀，份量仲幾多，又爽口又fresh 。食完主菜又點少得甜品，呢到嘅甜品有班cake，有窩夫亦都有雪糕，今次我就揀咗食窩夫。紫薯窩夫，整咗出嚟之後仲熱辣辣，外邊好香脆，入邊軟熟，紫薯係冇經過特別嘅加工，天然嘅甜，再配埋忌廉同埋雪糕一啖一次過食晒，好滿足。整個餐廳的環境係用木做的，感覺好舒適，好有天然的感覺。最岩係行完街之後，到呢到休息下，填飽飽個肚再嚟過。