影片
更多
2022-07-18
1056 瀏覽
最近每日都天氣酷熱，放假唔想留在家中最好都係痴商場，今日黎到屯門。屯門市中心有幾個大商場足夠逛足一個下午，兩點幾我地行到累搵野食，在屯門時代廣場發現了呢間裝修無論係牆身設計以致枱同櫈都超級台灣地道懷舊風的小店，雖然要等位但都想試吓。店員好快就安排到我哋入座。一睇餐牌，價錢相當平民，由於我哋都未食早餐所以叫咗一個小食，一人一個主餐，一人一杯台式飲品，同埋一個甜品，加埋都只係二百零蚊，抵！ //肉鬆起司蛋餅$36//餅皮做到軟身，蛋夠厚而且有蛋香肉鬆同芝士都夠多同均勻，足料，一啖入口有蛋味肉鬆同芝士味！整體來說味道不錯。 //香酥雞扒魯肉飯 $52//魯肉同飯嘅比例相當好，每啖都有香濃嘅魯肉味。雞扒炸到金黃酥脆，但肉汁仍然存留在雞扒內，肉質鮮嫩。 //紅燒牛腩刀削麵 $62//湯底好甜，相信應該熬咗好耐，相當多配菜，有白蘿蔔、紅蘿蔔、幾條菜心。牛腩炆得夠淋但又唔會爛，夠入味，好食！刀削麵份量都唔少，一個人食晒一碗都相當飽。 //珍珠奶茶 （冷）$23//自從戴咗口罩，好少會在街買台式飲品，久違了的味道，對我來說食台灣野珍珠奶茶是必需的，半糖少冰，不錯！ //OREO 巧克力奶茶 ( 冷 )
一睇餐牌，價錢相當平民，由於我哋都未食早餐所以叫咗一個小食，一人一個主餐，一人一杯台式飲品，同埋一個甜品，加埋都只係二百零蚊，抵！
//肉鬆起司蛋餅$36//
餅皮做到軟身，蛋夠厚而且有蛋香
肉鬆同芝士都夠多同均勻，足料，一啖入口有蛋味肉鬆同芝士味！整體來說味道不錯。
//香酥雞扒魯肉飯 $52//
魯肉同飯嘅比例相當好，每啖都有香濃嘅魯肉味。雞扒炸到金黃酥脆，但肉汁仍然存留在雞扒內，肉質鮮嫩。
//紅燒牛腩刀削麵 $62//
湯底好甜，相信應該熬咗好耐，相當多配菜，有白蘿蔔、紅蘿蔔、幾條菜心。牛腩炆得夠淋但又唔會爛，夠入味，好食！刀削麵份量都唔少，一個人食晒一碗都相當飽。
//珍珠奶茶 （冷）$23//
自從戴咗口罩，好少會在街買台式飲品，久違了的味道，對我來說食台灣野珍珠奶茶是必需的，半糖少冰，不錯！
//OREO 巧克力奶茶 ( 冷 ) $25//
估唔到Oreo溝奶茶係咁夾，加入了Oreo 餅碎的朱古力甜味又沒有想像中咁甜，在炎炎夏日下飲杯凍凍小甜的特飲是令人開心的。
//芋圓 ( 冷 ) $38//
最後食埋個芋圓甜品就係這餐台式午餐作美好嘅結尾。份量估唔到咁多，芋圓起碼有15粒，呢個價錢真係超值，再加上涼粉紅豆豆花，爽心涼！兩個人食都食到飽到上心口！
張貼
