盛八日式火鍋放題店 (已結業)

11月19號係第一次食，咁我就以第一次既經歷尼寫呢篇食評啦，當然覺得好想食先會咁快食左三次啦！由於係星期4去到完全冇人等位，之後個兩次都要等，第一次用openrice coupon，之後兩次係用番上一次幫襯張單就有75折。第一次試左貴族和牛餐，如圖第一次係好正常既和牛，食落唔錯，點知之後就好明顯變左飛禪牛，之後仲每一round都係，真係好食好多，十分彈牙有口感，唔會話太肥。刺身每人每次限取四件，有帶子鮑片希靈魚三文魚玉子同鯛魚，試晒咁多款全部都唔錯，好厚好有口感，但佢d豉油甜甜的有點怪。湯底是蕃茄湯底，唔係好濃不過好滋味，炸雞新鮮出爐外脆內嫩，第二次去冇炸雞轉左七味雞翼，雞翼好食好多。甜品方面，木糠布丁非常好食食左幾兜cheesecake, 布丁，雪糕，乳酪雪糕都唔錯，泡芙就麻麻。有樽裝既柚子麵同梅子麵，非常靚，像擺設，試左果然好濃梅同柚味。烏冬同拉麵都有試，幾彈牙。有75折既話絕對抵食，而且豚肉質素都唔錯，值得再去。