影片
更多
2011-03-19
330 瀏覽
復活節一個月後就到！係時候物色復活蛋之類... 我專程走嚟 K11，記得呢度有 See's Candies, Che Che New York ... 等等；最近，仲有間叫 Sticky 嘅糖果店。順道一看！Sticky 意思解作「黏的」！形容糖果真係幾貼切！呢間保留糖果藝術嘅傳統手工糖果店，進駐 K11 購物藝術館，實在最適合不過！搭扶手電梯走到地庫 B2 層，轉左向後行即刻見到大大個 colourful 廣告牌！十分搶眼！ Sticky 雖然位於角落頭，但係一樣人頭湧湧！最過癮地方莫過於即席見到 3 位糖果師傅以傳統方式手工做糖果，搓糖、拉糖、鏟糖...所有過程一絲不苟；相當費勁！平時買糖只係完成品，做糖我都係第一次睇到，令我嘖嘖稱奇！ 所以睇嘅人多，反而幫襯嘅人少！ 我見不少家長帶埋小朋友一齊睇！期間，女店員為在場人士派上糖果，口味任君選擇！並非小朋友先有，連大人亦有份！認真週到！不論大人小朋友見到七彩繽紛、顏色奪目嘅糖果，會零舍開心！ 店子並不大，佔一半係手工糖果工作坊，以波板糖圖案為背景，當然不少得波板糖！店內另一半糖果琳瑯滿目！各式其式！有 meaning 系列：Thank
我專程走嚟 K11，記得呢度有 See's Candies, Che Che New York ... 等等；最近，仲有間叫 Sticky 嘅糖果店。順道一看！
Sticky 意思解作「黏的」！形容糖果真係幾貼切！
呢間保留糖果藝術嘅傳統手工糖果店，進駐 K11 購物藝術館，實在最適合不過！
搭扶手電梯走到地庫 B2 層，轉左向後行即刻見到大大個 colourful 廣告牌！十分搶眼！ Sticky 雖然位於角落頭，但係一樣人頭湧湧！最過癮地方莫過於即席見到 3 位糖果師傅以傳統方式手工做糖果，搓糖、拉糖、鏟糖...所有過程一絲不苟；相當費勁！平時買糖只係完成品，做糖我都係第一次睇到，令我嘖嘖稱奇！ 所以睇嘅人多，反而幫襯嘅人少！ 我見不少家長帶埋小朋友一齊睇！
期間，女店員為在場人士派上糖果，口味任君選擇！並非小朋友先有，連大人亦有份！認真週到！不論大人小朋友見到七彩繽紛、顏色奪目嘅糖果，會零舍開心！ 店子並不大，佔一半係手工糖果工作坊，以波板糖圖案為背景，當然不少得波板糖！店內另一半糖果琳瑯滿目！各式其式！有 meaning 系列：Thank you, I love you, Heart Rock，好意頭系列：福、囍；仲有水果味，雜錦味，哈哈笑，公仔圖案：豬仔，熊貓...等等。Size : 70g, 130g, 150g, 225g, 500g, 1kg. 以售賣70g ( 包裝 $38 起 / 樽裝 $48 起 ) , 130g ( 包裝 $88 起 ) , 150g ( 樽裝 $88 起 ) 為主。樽裝另有熊仔樽裝！ 價錢認真唔平！ 相信貴在手工！
Rock Mix 70g $58 糖果好像七彩棋子！ 由於人手制造，每粒糖長度參差不齊！我數過有 37 粒，平均唔使 $2 粒！抵食過名牌朱古力！ 多款圖案包括：西瓜、奇異果、香蕉、蘋果、橙、提子、梨、檸檬、青檸...等等。 我食咗好幾粒：菠蘿圖案 ( 試食 )、士多啤梨圖案、好像藝術玻璃紅黃色圖案這粒；最外層糖味道清甜，食到中間有圖案部份比較硬，而且較為酸甜；不用 5 分鐘成粒糖已經溶哂！整體味道尚算不錯！唔係想像中咁甜，適合香港人口味；相信我會最後食藍色這粒。
另外，下次幫襯帶回舊 Sticky 吉樽，會平啲架！請見 Price list !而家我仲考慮緊買唔買嚟送俾朋友做復活節小禮物！
張貼
