談風：vs：再說 (已結業)

依間工廈餐廳，認真難搵。係鄰近地方行左成十分鐘先搵到個正確嘅入口，要試新嘢，系要花D汗水嘅。星期六都有lunch set，包麵包同埋嘢飲。睇咗個餐牌差唔多十分鐘，最後揀咗兩個意粉，始終選擇唔算太多，又唔係好敢試啲奇怪嘢。餐廳嘅裝修好簡單，個牆好似維持左本身工廈嘅樣子，好raw。先食個麵包，微暖，個牛油落咗啲鹽，算係有啲心思。係Openrice見到好多人食carbonara，深信係招牌菜。的確，個汁好rich同creamy，算係我哋食過數一數二好食嘅carbonara醬汁。個扁意粉略硬左少少，我估佢係想做到比較彈牙嘅效果，但軟返少少會好啲。大家注意，係銀魚柳醬，唔係一塊塊嘅魚柳。個意粉有少少辣，有大量嘅蒜片，炒得都幾香口。同樣，個意粉都係硬左少少。餐飲叫咗一杯凍咖啡同加左＄19要左杯凍抹茶latte。 個latte味道不錯，只係甜左少少。整體嚟講食物質素幾好，份量ok，坐得都幾舒服。12點半去到，由於book咗位，所以可以暫時佔用隔離嘅二人枱。環境都算唔錯，唔會太嘈，都幾適合傾計同hea下。