Tommy Yummy (元點)

營業中

休息中

喺YOHO想試吓啲新嘅餐廳，就同朋友試咗呢間新開嘅泰菜。佢睇落都似係一間Cafe/偏向fushion嘅新餐廳。入面裝修都好舒服、座位闊落，會不斷播泰文歌。咁今次我就點咗個泰式炒金邊粉試吓，有跟一個班蘭椰子梳打。先講個嘢飲，雖然我都鐘意飲梳打水，但佢真係完全一啲椰子味都無咁濟。攪咗好多次先有少少味出嚟，但都非常淡，同埋個味都唔太自然好人工。唔建議大家叫梳打類嘅飲品。值得一讚嘅係店員會主動不斷幫我斟水，我飲水飲得快，佢都幫我斟咗好多次好有耐性。個金邊粉個人就覺得麻麻哋啦，份量好細，女仔食完都唔夠飽。個粉嘅配料都比得好少，最多係芽菜，個調味未落辣粉都已經偏辣，唔食得辣嘅人要注意吓。應該都唔會再翻兜呢間了。