米子燒肉家

營業中

休息中

掃墓後途經大圍美林邨發現這家性價比超高的餐廳。茄汁肉醬白汁魚柳鴛鴦焗意粉，53蚊唔使加一仲有湯同餐飲跟埋。老老實實其實佢個焗意粉就質素只屬一般，正正常常唔係特別出色但係唔難食嘅，以53蚊有焗飯焗意粉呢個價錢係屬於偏低嘅。胡椒豬肚苦瓜湯飯52蚊當然都跟埋餐湯餐飲啦，反而呢個有驚喜，抵食好食。不過最有驚喜嘅就係個跟餐例湯，材料非常足，我已經冇叫多湯渣，但係都超級豐富，驚死你唔知佢哋係真材實料嘅靚湯，咁鬼大舊豬骨成本真係好高。凍飲加兩蚊，杯嘢都唔細㗎，好抵，要幫襯多啲因為真係驚佢做唔住。