板長壽司 (奧海城3期) (已結業)

平時間唔中都會黎板長食lunch set，尤其喺奧海城黎講有日式定食嘅餐廳唔算多。中午時間都幾多人，差唔多要等十幾分鐘先有位。今次黎諗住試下新野，揀左個和牛漢堡蝦天婦羅丼飯($68)。個set好快送到，包埋個蜆肉湯。一望落見到好多炸物，好豐富咁。裡面有2隻蝦，2個南瓜，1個冬菇，1塊漢堡(切開左一半而有2舊)。味道唔錯幾好食，而且碗飯都會加左照燒汁，唔會令人覺得太dry。覺得食完成碗都幾飽，分量十足，會再encore。不過食咁多炸物，都有啲驚熱氣。