緣聚西日餐廳 (西裕街) (已結業)

今日同朋友去左食放題，元朗有間放題日式餐廳成日都想食，午市價錢好抵食。今日lunch time特登約朋友去試下。緣聚，名字好溫馨。lunch hour食客好多，相信都係因為實在太抵食啦！餐廳有自助爆谷機，超有童年回憶啊！壽司、刺身、燒物⋯食物選擇好多。我地叫左壽司，花之戀好正！三文魚腩好肥美，燒鰻魚夠香口。刺身質素中上，牡丹蝦好爽嫩！我地試下焗蠔，蠔肉大大隻，加上醬汁焗得好香。仲有蟹粥可以叫，粥底好綿好甜，蟹肉都算多。