影片
更多
2005-06-25
31 瀏覽
星期六, 女友考完試, 本來想帶點驚喜給她, 午餐去全聚德食午市Buffet, 點知真係有驚喜, 十二點半已經Full 晒, 連星期日都滿晒.見到佢地午市飲茶有"半價"兩隻大字, 為免掃興, 雖然唔知半價後有幾貴, 不過都硬著頭皮, 見步行步, 齊齊去飲茶.原來茶市同自助餐是不同的位置, 即場所見, 茶巿圍數並不多, 諗來諗到都唔明點解自助餐會無位.由於客人不多, 不似一般茶樓嘈吵, 所以坐得都幾舒服, 桌上餐牌有點霉爛,作為一間百年老店, 是特色還是失色就見仁見智,但第一頁就寫上周恩來總理對全聚德三個字的解釋, " 全而不缺、聚而不散、仁德至上", 可見全聚德以前在國內地位.侍應招呼很客氣, 見點心紙上的項目都比外邊略貴, 半價之後由十多元起, 計落尚算合理. 一般炒粉拉麵半價後則由廿多元起.點心叫了一客蒜茸蝦春卷, XO 醬炒腸粉, 頭抽干炒牛河.蝦春卷是驚喜之作, 外皮炸得香脆, 鮮蝦很彈口. 好味.XO 醬炒腸粉, 頭抽干炒牛河略覺油膩, 不太覺得XO 醬及頭抽發揮了多大作用, 最後食不完打包回家.來到全聚德, 當然叫了出名的烤鴨. 原價半隻140 元, 半價70 元相當抵食.
見到佢地午市飲茶有"半價"兩隻大字, 為免掃興, 雖然唔知半價後有幾貴, 不過都硬著頭皮, 見步行步, 齊齊去飲茶.
原來茶市同自助餐是不同的位置, 即場所見, 茶巿圍數並不多, 諗來諗到都唔明點解自助餐會無位.
由於客人不多, 不似一般茶樓嘈吵, 所以坐得都幾舒服, 桌上餐牌有點霉爛,作為一間百年老店, 是特色還是失色就見仁見智,但第一頁就寫上周恩來總理對全聚德三個字的解釋, " 全而不缺、聚而不散、仁德至上", 可見全聚德以前在國內地位.
侍應招呼很客氣, 見點心紙上的項目都比外邊略貴, 半價之後由十多元起, 計落尚算合理. 一般炒粉拉麵半價後則由廿多元起.
點心叫了一客蒜茸蝦春卷, XO 醬炒腸粉, 頭抽干炒牛河.
蝦春卷是驚喜之作, 外皮炸得香脆, 鮮蝦很彈口. 好味.
XO 醬炒腸粉, 頭抽干炒牛河略覺油膩, 不太覺得XO 醬及頭抽發揮了多大作用, 最後食不完打包回家.
來到全聚德, 當然叫了出名的烤鴨. 原價半隻140 元, 半價70 元相當抵食.
廚師在客人面前表演片皮鴨, 是他們特色之處. 半隻鴨原來相當之多, 鴨片很有光澤, 很吸引, 薄餅皮很薄, 另外附以蔥段,黃瓜條,甜麵醬. 入口有很豐富感覺. 尤其有些少肥膏的鴨肉, 非常香口.
真係應左"好食通常無益"一句.
其實剩係食半隻鴨, 兩個人已相當足夠, 去到最後都有很膩的感覺.
女友堅持要加時作賽, 叫了楊枝甘露與豆沙窩餅, 怎知前者不夠凍, 後者外皮硬身, 水準以下成了整餐敗筆.
最後埋單210, 計算下約有40 多元是茶芥及其他, 個人覺得若果唔係亂叫, 應該可以控制大約一百元左右. 以全聚得金漆招牌, 午市不錯的環境, 在尖沙咀區靜靜地坐下嘆下茶, 傾下計, 都算是個不錯地方.
不過心思思都係想試下個自助餐.
張貼
