阿肥火鍋 (已結業)

第四波疫情終於差唔多宣布結束，連續兩日零確診，終於可以放下心頭大石，晏晝同同事出去食下飯， Chill番一下。阿肥火鍋，顧名思義，是一間火鍋小館，環境非常典雅優美，裝修以懷舊八十年代香港公共房屋風格為設計藍本，能夠坐喺十大武器之首之一的摺凳上面食嘢，可能會諗起山雞，別有一番風味。此外，中午都會做碟頭午市套餐，價錢相宜，座位距離間隔寬闊，出行安心。泰式無骨海南雞飯$52，雞皮薄滑，雞肉肉質不會嚡口，而且入口微香帶甘甜，以此價位來說，不過不失之餘，還有一點喜出望外呢！限時精選鹹魚蒸肉餅飯$58，分量充足，肉餅明顯花咗時間用心剁裝，咬口軟綿綿，入口鬆化，送飯一流。泰式鳳爪$58，酸酸甜甜，啱晒而家嘅季節，夠晒開胃，鍾意食辣嘅朋友一定要叫。老闆好好人，推介我哋飲夏枯草，即日喺舖頭自家製，冇味精，糖分微甜，啱晒健康一族。